തണൽ മരത്തിലെ കിളികൾക്കൊപ്പം ഒരു ദിനം!
ഞാൻ പലതവണ ലുലു മാളിൽ പോയിട്ടുള്ള ഒരാളാണ്.... വീട്ടുകാരുടെയും കൂട്ടുകാരുടെയും ഒക്കെ കൂടെ ഞാൻ അവിടെ പോയിട്ടുണ്ട് .അന്ന്, ഞാൻ അറുപതോളം വരുന്ന എന്റെ കൂട്ടുകാരുടെകൂടെ വീണ്ടും അവിടെ പോകാൻ ഇടയായി.പക്ഷേ അതിനൊരു പ്രത്യേകത ഉണ്ടായെന്നു മാത്രം .എന്താണെന്നോ ??? അന്ന് ഞങ്ങളുടെ കൈപിടിച്ചു "ലുലു"എന്ന ആ മാസ്മരിക ലോകത്തേക്ക് ആകാംഷ നിറഞ്ഞ കണ്ണുകളുമായി അമ്പതോളം വരുന്ന "തണൽ മരത്തിലെ കിളികളും" ഉണ്ടായിരുന്നു .
ജീവിതത്തിന്റെ കയ്പേറിയ യാഥാർഥ്യങ്ങളുടെ രുചി അനുഭവിച്ചറിഞ്ഞവരാണവർ .നമ്മൾ അറിയാത്ത ,അറിഞ്ഞിരുന്നാൽ പോലും അനുഭവിക്കാത്ത ജീവിത സംഘർഷങ്ങളിലൂടെ കടന്നു പോകേണ്ടിവന്നവർ. ഇക്കൂട്ടരിൽ സ്വന്തം മക്കളാൽ അനാഥരാക്കപ്പെട്ടവരുണ്ട് . തെരുവോരങ്ങളിൽ ഭിക്ഷയാചിക്കുന്നവരുണ്ട് .തലചായ്ക്കാൻ ഒരു ഇടമിലാതെ കടത്തിണ്ണകളിൽ അന്തിയുറങ്ങുന്നവരുണ്ട് .അന്ന് അവരുടെ കണ്ണുകളിൽ ഞാൻ കണ്ട ആ തിളക്കവും ആനന്ദവും എങ്ങനെ വർണ്ണിക്കണംഎന്ന് എനിക്കറിയില്ല ..........
യാത്രയുടെ തുടക്കം മുതൽ ഒടുക്കം വരെ എന്നെ മുറുകെ പിടിച്ച ആ കരം!.PVRന്റെ ഇരുളടഞ്ഞ ആ നാല് ചുവരുകൾക്കുള്ളിലും സന്തോഷത്താൽ പ്രകാശിതമായിരുന്ന ആ കണ്ണുകൾ!പാരഗണിൽ നിന്നിറങ്ങിയപ്പോൾ വയറിനേക്കാളുപരി മനസ്സ് നിറഞ്ഞ സംതൃപ്തി പ്രതിഫലിപ്പിച്ച അവരുടെ ആ മുഖങ്ങൾ !ആട്ടവും പാട്ടും കളിചിരികളുമൊക്കെ നിറഞ്ഞ ആ നിമിഷങ്ങൾ!....... അതെ ,ജീവിതത്തിൽ ഇനി എന്നും ഓർത്തിരിക്കാൻ ഒരുപിടി നല്ല നിമിഷങ്ങൾ ആ ദിനം എനിക്ക് സമ്മാനിച്ചു.
ഇത്തരമൊരവസരം എനിക്ക് തന്ന സാബുവച്ചന് ഒത്തിരി ഒത്തിരി നന്ദി ...
- അലീന തോമസ്
3067
No comments:
Post a Comment